HOTUBA YA SIKU YA KUFUNGUA MWAKA WA KAZI YA KITUME 2026-2027 SIKU YA MUNGU YA 24 MWAKA A WA LITURGIA
NDANI YA KANISA CATHEDRALE YA KINDU
Tarehe 13/09/2026
Ndugu wapenzi katika Kristu,
Leo ni siku ya Mungu ya 24 katika mwaka A wa Liturgia. Ni siku ambamo Diosezi yetu ya Kindu tuliandaa kufungua Mwaka mpya wa Kitume Elfu mbili makumi mawili na sita-Elfu mbili makumi mawili na saba (2026-2027).
Maandiko Matakatifu ya leo, KATIKA Somo la kwanza na Enjili zinatukumbusha namna gani tunapasha kusameheana makosa yetu.
Kama vile tulivyo sikia, siku zile Petro alimujongea Yesu akamuuliza: « Ndugu yangu akinikosea, nimusamehe mara ngapi ? Hata mara saba ? Lakini Yesu akamjibu: « Sikuambie hata mara saba, lakini hata saba mara makumi saba ». Nikusema ya kwamba kusamehana haina mipaka, haina shurti, haina kipimo. Msamaha ni kila siku na kila wakati wa maisha yetu.
Katika somo la kwanza, kitabu cha Busara ya Sira kinaonyesha ya kwamba tukipenda Mungu atatusamehe makosa yetu, na sisi tusamehane kati yetu. « Umusamehe jirani yako aliyekukosea, hivyo, ukiomba, utasamehewa zambi zako… Mtu akimkasirikia mwingine moyoni atawezaje kumwomba Mungu amponye ? ».
Kumbe, kila mara tunapohurumia ndugu zetu katika mapendo, Mungu anatuhurumia na sisi makosa yetu. Yesu anasema kupitia Enjili ya Mateo ya kama « Kipimo unapopimia wengine , ni kilekile utapimiwa nacho » (Mt 7, 2). Katika Sala ya Baba Yetu tunamwomba Mungu: « Utusamehe makosa yetu kama tunavyowasamehe waliotukosea »(Mt 6, 12). Kweli « chuki na hasira ni mambo maovu kabisa ». ndiyo mahana tunapashwa kuviepuka na kumuomba Mungu atuhepushe na kila kishawishi kinachotupelka katika chuki na katika hasira. Yeye aliye Mwema na Mvumilivu atujaze na fazila ya kujua kuwavumilia na kuwasamehe wangine. Atusaidie ili tujuwe kuhurumiana kati yetu, hasa kuhurumiana kwa ukeli, bila kuhesabu makosa ao bila kushurtishwa. Huruma yapashwa kuonekana wazi ndani ya maisha ya kila mkritu. Bila mapendo na huruma kati yetu hatuwezi kutembea pamoja na kujenga Diosezi yetu.
Ndugu wapenzi katika Kristu amjambo !
Leo nilipenda kufungua Mwaka huu mpya wa kitume Elfu mbili makumi mawili na sita-Elfu mbili makumi mawili na saba (2026-2027).
Kati Mwaka huu nilipendelea tukamilishe mambo mawili: Kutembea pamoja na kujenga pamoja diosezi yetu ya Kindu.
Kutembea pamoja ni kuwa na mawazo mamoja, ni kufikiria pamoja, kupanga pamoja, kupata suluhisho mbalimbali pamoja katika kila jambo ya maisha yetu ya mwili na ya roho, kama vile Eklezya-Jamaa.
Kujenga pamoja Diosezi yetu ya Kindu ni kutafuta pamoja maendeleo ya Diosezi yetu kwa jumla. Tukisema Diosezi, tunaona ma Parokia zote tangu Doyenné Centre, Nord na Sud; ma Secteurs, ma Shirika, Vigundi ya Kazi ya Kitume, Vigundi ya sala, Masomo zote, pia utumishi wote ndani ya vituo mbalimbali ya kazi ya kitume: Caritas-Développement (BDOM, BDD, CDJP…), Centre pour handicapés, Coordination des E. C. CATH…
Kujenga pamoja Diosezi yetu, ni kujiweka na kutumika pamoja kwa maendeleo ya Diosezi. Kubadirisha sura ya Diosezi yetu ya Kindu pamoja na Askofu, pamoja na Mapadri, Pamoja na kila mmoja wenu.
Ndugu wapenzi, kwa sisi kutembea na kujenga pamoja Diosezi yetu ya Kindu, ni sherti tuongoke moyoni, tubadirishe hali yetu ya maisha, tuchange mchango wetu, tupende Diosezi yetu. Tujionee huruma kadiri tunazoweaka kusema, ili kwa pamoja tuendeshe Diosezi yetu mbele. Tuwe na huruma na mapendo ya kweli katikati yetu na juu ya Diosezi yetu ya Kindu. Tuungane mkono na tuijenge pamoja.
Tukitumainia maombezi ya Mama Bikira Maria, na ya Watakatifu wote, tumuombe Mungu, kwa njia ya Bwana wetu Yesu Kristu, atutumie Roho wake ili tuweze kuwa watu wenye kupendena na kuhurumiana makosa yetu kwa ukweli. Ili tukiisha kufanya utumishi hapa duniani, kila mmoja kadiri ya nguvu na fazila zake, tupate kuingia sisi wote katika ufalme wake wa milele.
Bwana awe nanyi !
Kindu, tarehe 13 septemba 2026.
Mgr François ABELI MUHOYA MUTCHAPA,
Askofu wa Kindu.